Mbledhja e KS-së propagandë e Serbisë, ç’pritet të ndodhë në seancën e sotme?

Heqja e dinarit nga përdorimi dhe mbyllja e komunave paralele janë çështje të cilat Bashkimit Evropian është shqetësuar duke i cilësuar “vendime të njëanshme” që po i merr pala kosovare, e cila sipas tyre mund të mbetet jashtë dhe të mbetet prapa” në rrugën drejt integrimit. Për çështjen e dinarit raportohet se Serbia ka dorëzuar për seancë të jashtëzakonshme të Këshillit të Sigurimit të OKB-së.

Ish-ambasadori i Shqipërisë në OKB, Agim Nesho, ka deklaruar se kjo seancë nuk do të prodhojë asgjë përpos propagandë dhe demagogji nacionaliste.

Kosova është shteti i vetëm që ka aplikuar për anëtarësim në Bashkimin Evropian, por akoma nuk e ka statusin e kandidatit.

Mesatarja e anëtarësimit është rreth 5 vite, ndërsa ka shtete si Turqia të cilat negociatat i kanë nisur në vitin 2005, por ende pa rezultate.

Përkundër këtyre fakteve, Bashkimi Evropian është i shqetësuar se Republika e Kosovës po merr vendime të njëanshme për çka po rrezikon të mbetet jashtë dhe të mbetet prapa” në rrugën drejt integrimit.

“Në veçanti në anën e Kosovës, me vendimet e njëanshme, dhe gjëra që kanë ngritur shqetësime, bashkë me mënyrën se si komunikohet nga ana e autoriteteve të Prishtinës. Këto krijojnë frikë tek ne, se Kosova mund të mbetet jashtë dhe të mbetet prapa. Por ne vazhdojmë punën tonë, emisari ynë, bashkë me Përfaqësuesin e Lartë, vazhdojnë të punojnë me partnerët në rajon dhe ndërkombëtarët brenda BE-së dhe jashtë…”, ka thënë Peter Stano, zëdhënës i BE-së.

Mbyllja e komunave paralele dhe heqja e dinarit nga përdorimi janë çështjet për të cilat ndërkombëtarët kanë kritika.

Për çështjen e dinarit, por raportohet se Serbia ka dorëzuar për seancë të jashtëzakonshme të Këshillit të Sigurimit të OKB-së.

Mediat serbe raportojnë se në kërkesë propagandohet se pushteti në Kosovë po tenton spastrim etnik ndaj serbëve në Kosovë.

Propaganda dhe nisma e Serbisë për këtë seancë sipas ish-ambasadori i Shqipërisë në OKB, Agim Neshos, ndodh për dy arsye.

“Të mbajë gjithmonë të ngritur çështjen e Kosovës në Këshillin e Sigurimit për ta kanalizuar në rezolutën 1244 që tani është jorelevante i ka ikur koha. Vuçiqi së bashku me Rusinë kërkojnë që çështja e Kosovës të ju shërbejë si precedent dhe prandaj po e mbajnë të ndezur diskutimin në 1244”, ka deklaruar Nesho për RTV Dukagjinin.

Ish-ambasadori i Shqipërisë në OKB thotë se edhe nëse mbahet seanca ajo nuk do të prodhojë asnjë votim e asnjë rezolutë, por do të jetë seancë ndoshta e hapur për demagogji nacionaliste.