Azemi: Nesër do ta pranoj ofertën nga Komuna e Prishtinës për pagat e punëtorëve në grevë
Aktuale
February 06, 2024 - 13:27
Kryetari i Sindikatës së Pavarur të Sektorit Privat të Kosovës, Jusuf Azemi, ka bërë të ditur se nesër do të pranojë ofertën nga Komuna e Prishtinës lidhur me pagat e punëtorëve që janë në grevë.
Ai, përmes një postimi në rrjetin social Facebook, ka thënë se pas kësaj oferte anëtarët e Sindikatës do të ftohen dhe do të vlerësojnë së bashku se a është e pranueshme kjo ofertë.
Azemi po ashtu bëri të ditur se greva do të vazhdojë, deri në një vendim të radhës.
