Abdixhiku uron Krishtlindjet: Uroj që kjo festë të gjej vendin tonë në harmoni

Kryetari i Lidhjes Demokratike të Kosovës, Lumir Abdixhiku, bashkë me bashkëshorten e tij, Albina Kastrati Abdixhiku, mysafirë në pritjen solemne, të organizuar nga Ipeshkvi i Dioqezës Prizren Prishtinë, Imzot Dodë Gjergji.

Nga Qendra “Bogdanipolis” në ambientin e Katedrales Shën Nënë Tereza në Prishtinë Kreu i LDK-së përcjell urimet për Krishtlindje.

Abdixhiku në emër të partisë së tij uron që kjo Krishtlindje, familjet tuaja t’i gjej me shëndet paqe e mirësi.

Postimi i plotë i tij:

Sonte, së bashku me Albinën, ishim mysafirë në pritjen solemne, të organizuar nga Ipeshkvi i Dioqezës Prizren-Prishtinë, Imzot Dodë Gjergji, me rastin e Festës së Krishtlindjes.

Nga Qendra “Bogdanipolis” në ambientin e Katedrales Shën Nënë Tereza në Prishtinë i përcollëm urimet tona dhe të Lidhjes Demokratike për të gjithë besimtarët e krishterë që sonte shënojnë e festojnë Krishtlindjen. 

Uroj që kjo Krishtlindje, familjet tuaja t’i gjej me shëndet paqe e mirësi; që dhurata e vërtetë që merrni në këtë festë të jetë koha e lumtur që kaloni me ta. Uroj që kjo natë e kjo festë të gjej vendin tonë në harmoni e begati, siç kemi ditur të jemi gjithherë.

Nga të gjithë ne në LDK,

Gëzuar, për shumë mote!