Përsëri lagjja “Dardania”, fëmija hipën mbi veturë për t’u shpëtuar qenve

Qytetarët në Prishtinë vazhdojnë të jenë të rrezikuar nga numri i madh i qenve endacakë.

Një sulmi të mundshëm nga dhjetëra qen i ka shpëtuar edhe një fëmijë në lagjen “Dardania” në kryeqytet.

Në një fotografi të publikuar nga Indeksonline, shihet se ky fëmijë ka hipur mbi një veturë që ishte e parkuar, nga frika se do të sulmohej nga qentë të cilët e kishin rrethuar.

Kujtojmë se Komuna e Prishtinës kishte marrë një vendim për subvencionim me nga 50 euro të gjithë ata qytetarë që shprehin gatishmërinë të adoptojnë qentë endacakë.