Tym i madh në ndërtesën e “Ibër Lepencit” në Prishtinë [video]

Një shpërthim është dëgjuar para pak çastesh në bulevardin “Bill Clinton” në Prishtinë, përkatësisht te ndërtesa ku gjendet edhe ndërmarrja hidroekonomike “Ibër-Lepenc”.

Lexues të Zeri.info kanë dërguar pamje në adresë të redaksisë, të cilët kanë treguar se fillimisht është dëgjuar një zhurmë e një shpërthimi e më pas është parë tymi në këtë ndërtesë.

Sipas lexuesve, zjarrfikësit kanë dalë në vendin e ngjarjes.

Zeri.info ka drejtuar pyetje edhe në Policinë e Kosovës, por akoma nuk ka marrë përgjigje.

Për këtë rast do të mbaheni të informuar.