Vizita e Stoltenbergut në Kosovë, Kurti: Tregon angazhimin e NATO-s për sigurinë tonë

Gjatë ditës së nesërme, në Kosovë do të vijë për vizitë Sekretari i Përgjithshëm i NATO-s, Jens Stoltenberg.

Kryeministri i Kosovës, Albin Kurti, ka thënë se vizita Sekretarit të Përgjithshëm të NATO-s në Kosovë, Jens Stoltenberg, e planifikuar për 20 nëntor dëshmon për angazhimin e kësaj aleance ushtarake për sigurinë e Kosovës.

Stoltenberg pos Kosovës do ta vizitojë edhe Serbinë. Këto vizita vijnë pas tensioneve të fundit në veri të Kosovës, ku kulmi ishte sulmi terrorist i 24 shtatorit.

Kurti në platformën "X" ka shkruar të dielën se edhe Bashkimi Evropian tashmë zyrtarisht po ekspozon synimin e Rusisë për të provokuar konflikt në Ballkanin Perëndimor.

“Vizita e ardhshme e Jens Stoltenberg në Kosovë dëshmon se angazhimi i NATO-s është i vendosur për sigurinë tonë. Me BE që ekspozon zyrtarisht synimin e Rusisë për të provokuar një konflikt të ri në BB6, rruga më e sigurt drejt paqes së qëndrueshme është dhënia e BE statusit të kandidatit në BE dhe integrimi në NATO”, ka shkruar Kurti teksa do ta pres sekretarin e NATO-s në takim.

Po ashtu, Presidenca e Kosovës tashmë ka konfirmuar takimin Vjosa Osmanit me Stoltenberg, takim ky që do të mbahet me fillim prej orës 15:30.

Ditë më parë presidenti i Ukrainës, Volodymyr Zelensky, kishte deklaruar se “ka informacione që Rusia po planifikon luftë në Ballkan”.

SG @jensstoltenberg's upcoming visit to Kosova demonstrates @NATO's firm commitment to our security. With the ë officially exposing Russia’s intent to provoke a new conflict in WB6, the surest path to sustainable peace is to grant ë EU candidate status & integration into NATO.

— Albin Kurti (@albinkurti) November 19, 2023