Shefi i NATO-s nesër në Kosovë, takohet me Osmanin dhe Kurtin
Aktuale
November 19, 2023 - 13:31
Nesër më 20 nëntor, shefi i NATO-s Jens Stoltenberg, do ta vizitojë Kosovën.
Ai do ta takojë presidenten Vjosa Osmani, dhe kryeministrin Albin Kurti.
Pas takimit me Osmanin, do të ketë konferencë për media.
Kjo u bë e ditur nga Zyra për Media e NATO-s.
Më 20 nëntor, “Sekretari i Përgjithshëm do të vazhdojë udhëtimin e tij në Kosovë, ku do të ketë diskutime me zonjën Vjosa Osmani-Sandriu dhe zotëri Albin Kurtin”.
“Ai do të vizitojë edhe kampin e KFOR-it të NATO-s ‘Nothing Hill’, ku do të takojë komandantin e KFOR-it, gjeneralmajorin Ulutas, dhe do t’ju adresohet trupave”.
“Ai do të takojë edhe Drejtorin e Ekipit Këshillues dhe Ndërlidhës të NATO-s, Gjeneral Brigade, Hammerstein”, tha NATO-ja në njoftim.
