Vdes infermierja Fitore Zenelaj, simbol i luftës kundër kancerit, la pas vetes tri vajza

Pas një sëmundje të rëndë, është ndarë nga jeta infermierja Fitore Zenelaj.

Për vdekjen e infermieres kanë njoftuar familjarët e saj, të cilët kanë bërë të ditur se ajo ka ndërruar jetë gjatë trajtimit në Francë.

“Të nderuar familjarë, miq, shokë, dashamirë, me dhimbje dhe pikëllim të madh, ju njoftojmë se më e dashura jonë Fitore Zenelaj pas një sëmundje të rënde ka ndërruar jetë gjatë trajtimit në Francë, me datë 13.11.2023. Për ditën dhe orën e varrimit, do ju njoftojmë me kohë”, thuhet në njoftimin e tyre në Facebook.

Ndryshe, infermierja Zenelaj është përballur për disa vite me sëmundjen e kancerit dhe ka qenë një nga zërat më të fuqishëm për vetëdijesimin mbi luftën ndaj kësaj sëmundjeje.

Ajo ka lënë pas vetes bashkëshortin dhe tri vajza.