Kroacia trajnon Policinë Ushtarake të FSK-së

Në kuadër të Planit të bashkëpunimit bilateral me Ministrinë e Mbrojtjes të Kroacisë dhe Ministrinë e Mbrojtjes të Kosovës, në kazermën “Croatia” në Zagreb një skuadër e Policisë Ushtarake të FSK-së (PU) ka ndjekur trajnimin “MP Electroshock Stun Gun Training and MP Drug Test Training”.

Sipas njoftimit të FSK-së, trajnimi është udhëhequr nga instruktorët e Policisë Ushtarake Kroate dhe ka plotësuar të gjitha objektivat dhe qëllimin në kuadër të përgatitjeve profesionale për pjesëtarët e PU të FSK-së, njofton Zyra për informim e FSK-së.