Ky është parashikimi i motit për sot

Instituti Hidrometeorologjik i Kosovës (IHMK) ka njoftuar se gjatë ditës së sotme në vendin tonë do të mbajë mot me diell dhe vranësira të shpërndara.

Sipas IHMK-së, këtë javë moti parashihet të jetë tipik vjeshtor, pasi në fushat termike do të ketë rënie të dukshme.

“Vranësirat do të jenë kryesisht të stadit të mesëm dhe të ulët të troposferës, ndërsa presioni atmosferik do të ketë luhatje të lehta duke i ruajtur vlerat e normales. Nuk përjashtohen mundësitë të krijohet edhe mjegulla në shumë zona, pasi ndryshimi i grafikut termik do të mundësojë formimin e kësaj dukurie. Në viset me lartësi mbidetare mbi 1100 m parashihen edhe ngrica të dobëta”, thuhet në njoftim, shkruan Zeri.info.

Sa i përket ditës së sotme, IHMK-ja ka njoftuar se moti do të jetë me diell dhe vranësira të shpërndara. Temperaturat minimale do të lëvizin ndërmjet 0-3 gradë Celsius, ndërsa maksimalet e ditës parashihen të lëvizin ndërmjet 11-14 gradë Celsius. /Zëri

Më poshtë jua sjellim tabelën me temperaturat minimale dhe maksimale për ditën e sotme në qytetet kryesore të vendit: