Dorëzohen nënshkrimet për themelimin e Komisionit për Rezervat Shtetërore

Shefi i Grupit Parlamentar të LDK-së, Arben Gashi, ka bërë të ditur se janë dorëzuar nënshkrimet për themelimin e Komisionit Parlamentar lidhur me procedurat për furnizimin dhe menaxhimin me rezervat shtetërore, si dhe për keqpërdorimet dhe abuzimet e mundshme me këto rezerva.

Ai, përmes në postimi në rrjetin social Facebook, ka deklaruar se e vërteta është e duhura për të gjithë e për të gjitha është pikënisje për gjithçka.

“Çka është bërë me rezervat shtetërore? Kush, kur, ku, pse dhe si janë përfshirë në këto procese dhe cili është epilogu i veprimeve të tyre?”.

“A kanë qenë kontratat konform ligjit dhe a i kanë kryer palët detyrimet sipas atyre kontratave? Është koha e fundit që të gjithë t’i dorëzojnë faktet e të dorëzohen para të vërtetës së domosdoshme”.

“Shteti dhe shoqëria kanë nevojë të dinë të vërtetën!”, ka thënë Gashi.