Grenell: Arritëm shumë progres në dialog gjatë 2020-shit, u diskutua edhe tërheqja e trupave të NATO-s
Richard Grenell, ish-emisari special i Shteteve të Bashkuara të Amerikës për dialogun Kosovë – Serbi, duke folur për një televizion amerikan, ka thënë se në vitin 2020 ishte diskutuar tërheqja e forcave të NATO-s nga Kosova, pasi ishte bërë progres i madh në dialog.
Grenelli në paraqitjen e tij televizive kishte thënë se Trumpi dhe ekipi i tij ishin duke bërë lëvizje të mëdha dhe novatore për t’i afruar Kosovën me Serbinë, shkruan Paparaci.com.
“Donald Trump dhe ekipi i tij po bënin lëvizje të mëdha dhe novatore për t’i afruar Kosovën dhe Serbinë. Mos harroni, kjo ishte marrëveshja e katërt që Donald Trump bëri mes Kosovës dhe Serbisë. Ne kishim një marrëveshje ekonomike që të dyja palët po e shtynin përpara. Duhet të jem i sinqertë me ju, për shkak se po bënim shumë progres, ne diskutuam mundësinë e heqjes së forcave të NATO-s nga Kosova, sepse po bënim shumë përparim mbrapa në vitin 2020”, tha Grenelli.
Më tutje, Grenelli u shpreh se palët po afroheshin drejt njëra-tjetrës, por sipas tij me ardhjen e Bidenit në pushtet çështja iu la në dorë evropianëve.
Grenelli, i cili njihet për kritikën e tij ndaj evropianëve, tha se në tre vjetët e fundit ka pasur rritje të kaosit, dhunës, përplasjeve dhe pranisë së trupave në Kosovë.
“Ishte koha, të dy palët ishin dakord për zhvillimin ekonomik, hapën kufijtë, kishin rënë dakord të bënin një fluturim midis Prishtinës dhe Beogradit, lufhansa ndërhyri dhe tha unë do ta ofrojë atë fluturim, në po bënim shumë përparim, por atëherë kur ekipi i Bidenit erdhi, ajo që vendosën të bënin ishte të ndryshonin politikën e SHBA-së, tani politika e SHBA-së ishte evropianët janë në krye. Kështu që për tre vjetët e fundit, evropianët kanë qenë në krye dhe ajo që shohim është kaos, dhunë, përplasje dhe shohim një rritje të pranisë së trupave në Kosovë”, tha Grenelli.
