KFOR-i turk vendoset në Zubin Potok
Trupat turke të KFOR-it janë vendosur në Zubin Potok për shkak të situatës së tensionuar gjatë këtyre ditëve.
Këtë e bëri të ditur gazetari turk Abdyl Vehabi, i cili publikoi disa fotografi dhe tha se është vendim i duhur vendosja e këtyre trupave në këtë pjesë, shkruan Zeri.info.
“Në kuadër të misionit paqeruajtës të NATO-s në Kosovë, KFOR, trupat turke të stacionuara në qytetin e Prizrenit, së bashku me automjetet e famshme turke BMC Vuran, janë transferuar në Zubin Potok, në veri të vendit, ku është përshkallëzuar së fundmi situata me Serbinë”, shkroi ai në Twitter.
Kujtojmë se përveç dhunës e veprimeve propagandistike në veri, situata është tensionuar më shumë nga kidnapimi i tre policëve të Kosovës nga disa serbë të maskuar.
Gjë që nxiti reagime të shumta dhe KFOR-i e konsideroi si shkelje të Rezolutës 1244. /Zëri
As part of the #NATO's peacekeeping mission in #Kosovo, KFOR, Turkish troops stationed in the city of Prizren, together with famous Turkish made BMC Vuran 4x4 vehicles, have been transferred to Zubin Potok, north of the country, where recent escalation with #Serbia took place. pic.twitter.com/932XMWQIHh
— Abdylvehab (@abdylvehab) June 15, 2023
