![Haradinaj: Miti i forcave serbe u thye në Dukagjin](/uploads/zeri.info/images/2023/March/11/auto_auto_auto_auto_Ramush_Haradinaj1634817504_1163951604316709233441678519307.jpg)
Haradinaj: Miti i forcave serbe u thye në Dukagjin
Kryetari i Aleancës për Ardhmërinë e Kosovës, Ramush Haradinaj, ka thënë se miti i forcave serbe është thyer në Gllogjan.
Kështu ka thënë ai gjatë manifestimit qendror në shënim të 25-vjetorit të “Epopesë së Dukagjinit” dhe 24-vjetorit të ndërhyrjes së NATO-s, njofton klankosova.
“Ne e njohim këtë ditë si ditën e fitores. E vërtetë se Gazmendi dhe Agroni kanë qenë luftëtarë të hershëm që kanë luftuar përkrah Shkelzenit, Dautit dhe Luanit. Këta të tre atë ditë u flijuan në një betejë që morri kuptim – e kuptimi është fitorja, të luftohet, shpëtohet dhe fitohet”.
“Serbia kishte ndjekur një strategji të sajën të tokës së djegur. Serbia në skenarin e saj e kishte që ta pastrojë të gjithë terrenin – mos e leni askënd gjallë”.
“Mirëpo Zoti e deshi që atë të tërhiqeshin dhe ne të mbesim si fitues. Ndoshta fitorja e kësaj ditë u bë shkaktar që të besojmë më shumë. Miti i Serbisë dhe i forcave serbe u thye këtu”.