![Ky shtet pritet të njohë pasaportat e Kosovës](/uploads/zeri.info/images/2023/January/26/auto_auto_auto_auto_auto_auto_auto_Pasaportat_e_pare_biometrik_te_Repulikes_se_Kosoves-_31_tetor_2011f-Laura_Hasani1516948668152735488015319213691532875825162729318316650661201674741313.jpg)
Ky shtet pritet të njohë pasaportat e Kosovës
Qytetarët e Kosovës do të kenë mundësi të hyjnë me pasaporta të Republikës së Kosovës në Moldavi.
Moldaiva, si shtet që nuk e njeh pavarësinë e Kosovës, pritet të bëjë një “kompromis” në lejimin e hyrjes së udhëtarëve me pasaporta kosovare në territorin moldavez.
Sipas portalit moldavez, Newsmaker, më 1 qershor, në kryeqytetin e Moldavisë, në Kishinau, do të mbahet Samiti i Komunitetit Politik Evropian.
Pjesë e këtij komuniteti është edhe Kosova, gjë që ka bërë që disa deputetë të hartojnë një projektligj që do të parashihte vendosjen e vizave për personat me pasaporta kosovare.
Projektligji në fjalë u shqyrtua sot në lexim të dytë në parlamentin moldavez dhe u vendos që mbajtësit e pasaportave kosovare të mund të marrin viza afatshkurtra për pjesëmarrje në forumet ndërkombëtare të organizuara nga Moldavia.
Deputetët që “lobuan” për këtë projektligj u thirrën në “ndryshimin e realitetit shoqëror” si dhe lirinë e lëvizjes të cilën e garanton edhe Deklarata Universale të Drejtave të Njeriut.
Megjtihatë, akoma nuk është diskutuar nëse do të mbahën bisedime për heqjen e vizave ndaj Ksoovës apo edhe njohje të pavarësisë.
Kujtojmë se pikërisht mosnjohja e pasaportave të Kosovës shpeshherë ka kushtuar për qytetarët kosovarë.
Në vitin 2020, shorti i Ligës së Kombeve vuri përballë Moldavinë dhe Kosovën, ndeshje kjo që nuk u zhvillua në Moldavi pasi që përfaqësueses kosovare nuk iu njohën pasaportat.