Kurti: Lufta kundër korrupsionit po jep rezultate
Kryeministri Albin Kurti ka reaguar pas raportit të “Transparency International”, ku thuhet se Kosova ka shënuar progres në luftën kundër korrupsionit.
Kurti tha se ky vlerësim tregon se lufta kundër korrupsionit po jep rezultate, duke ia atribuuar suksesin Qeverisë së tij, transmeton Zeri.info.
“Lufta jonë kundër korrupsionit vazhdon të japë rezultat. E ngecur për gati një dekadë në gjysmën e fundit globalisht në Indeksin e Perceptimit të Korrupsionit të ‘Transparency International’, Kosova është ngritur 20 vende lart në 2 vjet nën Qeverinë tonë. Konfirmim i pavarur se reformat tona po funksionojnë”, shkroi Kurti.
Our @anticorruption fight continues to pay off. Stuck for nearly a decade in the bottom half globally in Transparency International's Corruption Perceptions Index, Kosova has rocketed 20 places up in 2 years under our Govt. Independent confirmation that our reforms are working. pic.twitter.com/EOuB0P2SLW
— Albin Kurti (@albinkurti) January 31, 2023
Sipas “Transparency International”, për vitin 2022, Kosova është vlerësuar me 41 pikë, duke u ranguar në vendin e 84-t në ranglistën botërore prej 180 shtetesh. Ky rezultat reflekton një trend të vazhdueshëm dhe inkurajues të përmirësimit të Kosovës, krahasuar me vitet e kaluara. /Zëri