Kërcënohet kryetari i Komunës së Prizrenit, Shaqir Totaj
Aktuale
January 25, 2023 - 09:35
Kryetari i Komunës së Prizrenit, Shaqir Totaj, mbrëmë në orët e vona është kanosur nga dy persona të dyshuar.
Lajmin e ka konfirmuar zëdhënësi i Policisë së Kosovës për rajonin e Prizrenit, toger Shaqir Bytyqi.
“Mbrëmë në orët e vona është raportuar se një person përmes tjetrit ka dërguar mesazhe kërcënuese ndaj Shaqir Totajt”, ka thënë ai.
Sipas Policisë, rasti dyshohet se ka ndodhur për një pronë që e pengon rrugën në transit.
“Personi i dyshuar nuk ka qenë i kënaqur me vlerësimin e pronës që i ka bërë Komuna”, ka sqaruar tutje Bytyqi për Telegrafin.
Dy të dyshuarit janë arrestuar dhe pas intervistimit, me vendim të prokurorit, janë dërguar në mbajtje për 48 orë.
Ndërsa, rasti është iniciuar si “Kanosje”.
