Szunyog: Duhet bërë më tepër për t’i përkrahur fëmijët me aftësi të kufizuara
Foto: Laura Hasani

Szunyog: Duhet bërë më tepër për t’i përkrahur fëmijët me aftësi të kufizuara

Aktuale December 03, 2022 - 11:59

Ambasadori i Bashkimit Evropian në Kosovë, Tomas Szunyog, përmes një postimi në Twitter.është shprehur se duhet bërë më tepër si shoqëri për t’i përkrahur fëmijët që janë me aftësi të kufizuara.

“Duke qenë se fëmijët me aftësi të kufizuara janë shpesh të fundit që marrin burimet dhe shërbimet që ju nevojiten, të gjithë ne duhet të bëjmë më tepër për t’i mbështetur ata në shprehjen e aftësive të tyre dhe për të zënë vendin e merituar si të barabartë në shoqëri”, ka shkruar ai.

“Më të rinjtë ndër ne janë thellë të brengosur për gjendjen e përfshirjes së fëmijëve me aftësi të kufizuara. Pra në këtë ditë Ndërkombëtare të Personave me Aftësi të Kufizuara, le t’i lidhim duart për të bërë Kosovën një shoqëri gjithëpërfshirëse për të gjithë fëmijët”. /Zëri