Bislimi: Borrelli shumë shpejt do t’i ftojë Kurtin e Vuçiqin në takim, ne i suspenduam gjobat

Kryenegociatori i Kosovës në dialogun me Serbinë, Besnik Bislimi, ka thënë se marrëveshja e sotme i hap të gjitha dyert që të fillohet me biseda intensive rreth planit të propozuar nga BE-ja e të mbështetur nga Gjermania e Franca.

Ai tha se shefi i diplomacisë evropiane, Josep Borrell, së shpejti do t’i ftojë Kurtin e Vuçiqin në një takim.

“Tani, Borrell do t’i ftojë shumë shpejt të dy liderët që të fillojnë bisedat intensive rreth propozimit të tij dhe me mbështetje të Gjermanisë dhe Francës”, është shprehur Bislimi.

Tutje, ai tha se me marrëveshjen e sotme, Serbia do të pushoj me riregjistrimin e veturave me targa KM, kurse Kosova do ta suspendoj vendosjen e gjobave.