Pavarësisht krizës me energji, Komuna e Prishtinës do të dekorojë qytetin për festat e fundvitit

Komuna e Prishtinës ka njoftuar se po fillon përgatitjen për dekorimin e qytetit për festat e fundvitit.

Përmes një njoftimi, Komuna ka bërë të ditur se për shkak të dekorimit të qytetit rruga “Xhorxh Bush”, duke filluar nga udhëkryqi “Bill Klinton” deri në udhëkryqin e rrugës “Garibaldi”, do të jetë e mbyllur nga data 26 nëntor 2022 (duke filluar nga ora 05:00) deri më 8 janar 2023.

Ndryshe shumë qytete jo vetëm në Kosovë por edhe në botë kanë deklaruar se nuk do të kenë dekorime fare këtë vit për shkak të krizës me energjinë elektrike. /Zëri