Gërvalla pas rënies së raketave në Poloni: BE-ja ta ndalë Putinin para se ta sjellë luftën në të gjithë kontinentin

Ministrja e Punëve të Jashtme dhe e Diasporës, Donika Gërvalla ka reaguar pas raportimeve se dy raketa ruse kanë rënë në territorin e Polonisë, duke lënë të vrarë dy persona.

Gërvalla i ka bërë thirrje Bashkimit Evropian që të jetë më e vendosur për ta ndalur presidentin rus, Vladimir Putin përpara se ta sjell luftën në tërë kontinentin.

“Të pikëlluar nga humbja e dy jetëve në Poloni, të cilët janë goditur nga raketat ruse. Jemi me familjet e tyre, Kosova qëndron krah Polonisë kundër regjimit të Putin. BE duhet të veprojë më vendomërisht për ta ndalur Putinin, përpara se ai dhe instrumentet e tij të sjellin luftën në tërë kontinentin”, ka shkruar Gërvalla.

Në orët e pasdites së sotme, raportohet se dy nga raketat ruse kanë goditur Poloninë në zonën kufitare me Ukrainën. Për pasojë, kanë mbetur dy të vdekur.

Qeveria polake ka thirrur një mbledhje urgjente të Këshillit Kombëtar të Sigurisë, ndërkohë që liderët botërorë janë duke marrë informacionet për ngjarjen, përpara se të dalin me qëndrime dhe të ndërmarrin veprime.

We mourn the loss of innocent Polish lives who have been killed by Russian rockets.
Our thoughts are with the families, ë stands with ë against Putin's regime.
ë has to act much more determined to stop Putin before he and his proxies bring war over the whole continent.

— Donika Gërvalla-Schwarz (@gervallaschwarz) November 15, 2022