Shefi i EULEX-it takon presidenten, një ditë pasi shprehën gatishmëri për angazhim në veri

Presidentja e Kosovës, Vjosa Osmani, ka takuar edhe shefin e EULEX-it, Lars-Gunnar Wigermark me të cilin kanë biseduar për zhvillimet e fundit në veri të Kosovës dhe për bashkëpunimin mes Kosovës dhe institucioneve ndërkombëtare.

Siç thuhet në komunikatë, shefja e shtetit ka ritheksuar përkushtimin e Kosovës për rend dhe ligj dhe për sigurimin e mbarëvajtjes së sigurisë publike në të gjithë territorin e Republikës.

Për këtë Osmani ka thënë se Kosova është në bashkëpunim të ngushtë me partnerët ndërkombëtarë.

Nga EULEX gjatë ditës së djeshme kanë treguar se janë të gatshëm të angazhohen nëse i kërkohet nga Policia e Kosovës.