Mitrovica e Veriut bëhet gati për protestë [foto]

Qytetarët serbë në Mitrovicën e Veriut janë duke u berë gati për të protestuar në sheshin “Car Llazari”.

Protesta është thirrur nga Lista Serbe ndërsa ka tri kërkesa për Qeverinë e Kosoves, të cilat janë anulimi i vendimit për targa, formimi i Asociacionit të Komunave me Shumicë Serbe dhe vendosja e një komandanti serb.

Aktualisht situata është e qetë ndërsa përveç policëve të EULEX-it, nuk janë parë pjestarë te Policisë së Kosovës, raporton Zëri.info.

Kujtojmë se deri te protesta e sotme ka ardhur pas shkarkimit të drejtorit rajonal të policisë në veri Nenad Gjuriqit./Zëri