Para Samitit në Berlin, Kurti takohet me Borrellin dhe Lajçakun
Kryeministri i Kosovës Albin Kurti ka takuar përfaqësuesin e lartë të Bashkimit Evropian për politikë të jashtme dhe siguri, Josep Borrell dhe emisarin e BE-së për dialogun Kosovë - Serbi, Miroslav Lajçak.
Takimi është mbajtur para samitit vjetor të Procesit të Berlinit, i cili po mbahet sot, ndërsa Kurti ka shkruar në Twitter në lidhje me takimin, transmeton Zeri.info.
“Përpara Samitit të sotëm vjetor të Procesit të Berlinit, u takova me Jose Borrellin dhe Miroslav Lajçakun për të diskutuar Marrëveshjen Kornizë të përqendruar në njohjen reciproke dhe çështje të tjera”, shkroi Kurti.
Ai përmendi edhe djegien e veturave me targa RKS në veri
“Plaçkitja dhe djegia e veturave në veri të Kosovës është krim dhe duhet dënuar nga të gjithë”, shkroi Kurti.
Ahead of today's annual Berlin Process Summit I met w/ HR/VP @JosepBorrellF & SR @MiroslavLajcak to discuss the Framework Agreement centered on mutual recognition & other issues. The looting & burning of cars in the north of Kosova is a crime and must be condemned by all. pic.twitter.com/DZ913qXKmU
— Albin Kurti (@albinkurti) November 3, 2022
Për këtë takim ka shkruar edhe Borrelli, i cili tha se kanë diskutuar për situatën në veri të Kosovës, ndërsa ka dënuar djegien e veturave në veri, transmeton Zeri.info.
“Mirë që takova kryeministrin Albin Kurti përpara Procesit të Berlinit. Diskutuam për situatën në veri të Kosovës. Veprimet përçarëse, si djegia e makinave, janë të papranueshme, marrëveshjet e arritura duhet të respektohen. Ftojmë të gjithë të veprojnë me përmbajtje.
Ne diskutuam gjithashtu rrugën përpara për normalizim”, shkroi Borrelli. /Zëri
Good to meet PM @albinkurti ahead of #BerlinProcess
— Josep Borrell Fontelles (@JosepBorrellF) November 3, 2022
Discussed the situation in north of Kosovo. Disruptive actions, such as burning of cars, are unacceptable
Dialogue agreements must be respected. Call on all to act with restraint
We also discussed way forward on normalisation pic.twitter.com/I4fdzD12Fm
