Mehaj pret në takim komandantin e ri të KFOR-it, gjeneralmajor Angelo Michele Ristuccia

Në kuadër të bashkëpunimit ndërinstitucional, ministri i Mbrojtjes Armend Mehaj ka pritur sot në takim komandantin e ri të KFOR-it, gjeneralmajor Angelo Michele Ristuccia.

Me këtë rast, ministri Mehaj e falënderoi gjeneralin Ristuccia dhe i shprehu mirënjohjen e lartë për kontributin e KFOR-it në shërbim të sigurisë së vendit dhe gjithë qytetarëve pa dallim.

Ai e njoftoi edhe për të arriturat e deritashme të Ministrisë së Mbrojtjes dhe FSK-së, proceset zhvillimore aktuale, si dhe synimet për të ardhmen.

Në fund, të dy shprehën përshtypjet e larta për bashkëpunimin e shkëlqyeshëm ndërinstitucional të deritashëm, duke shprehur njëherësh vullnetin e përbashkët që bashkëpunimi dhe koordinimi dypalësh të intensifikohet edhe më tej në të ardhmen, në kuadër të mandateve respektive. /Zëri