Komuna e Prishtinës me aksion, nis largimin e kioskave nga sheshi [foto]

Komuna e Prishtinës, nga mëngjesi i sotëm, ka nisur një aksion, ku inspektorati bashkë me policinë po largojnë kioskat ilegale dhe shitësit ambulantë nga sheshet.

Në fotografitë që ka siguruar “Zëri” shihet një numër i policëve që po asistojnë inspektoratin komunal për largimin e disa kioskave nga sheshi “Nënë Tereza”.

Po ashtu më herët Komuna e Prishtinës, përmes një aksioni, ka liruar një parking, i cili gjendet përballë Kuvendit të Kosovës e i cili ishte uzurpuar tash e 20 vjet. /Zëri