Qeveria vendos regjim vizash për shtetasit e Rusisë

Qeveria e Kosovës në mbledhjen e sotme ka marrë vendim që të vendosë regjimin e vizave për shtetasit e Rusisë.

Në këtë mbledhje kryeministri Albin Kurtika thënë se shtetasit rusë janë të obliguar që të pajisen me vizë të Kosovës, për të hyrë, të kalojnë transit apo për qëndrim në Kosovë.

“Të gjithë shtetasit e Rusisë me pasaportë të rregullt apo diplomatike dhe ata që kanë lejeqëndrim biometrik valid të lëshuar nga shtetet e zonës Schengen do të duhet të pajisen me vizë për hyrje në Kosovë”, u shpreh kreu i Qeverisë. /Zëri