Rama reagon ndaj Bullgarisë: Hiqni veton, ose më duroni
Pas bllokadës së shkaktuar nga Bullgaria, Maqedonia e Veriut dhe Shqipëria kanë ngecur në procesin e anëtarësimit në Bashkimin Evropian, kjo bëri që kryeministri Edi Rama t’u drejtohet disa gazetarëve bullgar me fjalët “ju jeni turp”.
Kësaj deklarate iu përgjigj edhe Ministria e Jashtme e Bullgarisë, e cila i tha Ramës se duhet të ketë kujdes me gjuhën, shkruan Zeri.info.
I shpejtë ka qenë reagimi i kryeministrit Rama ndaj kësaj deklarate të MPJ-së së Bullgarisë.
Rama tha se ka problem me Bullgarinë, sepse po përdor procesin e zgjerimit si mjet për penguar anëtarësimin e Shqipërisë e të Maqedonisë së Veriut në BE.
“Oh! Ministria e Jashtme e Bullgarisë ka problem me mënyrën time të të folurit. E drejtë. Edhe unë kam një problem me mënyrën sesi Bullgaria dëshiron të zgjidhë çështjet dypalëshe duke përdorur procesin e zgjerimit si mjet për të marrë peng dy vende të NATO-s. Qetësohuni miq: Hiqni veton, ose më duroni!”, shkroi Rama në Twitter. /Zëri
Oh! Bulgaria's Foreign Ministry has an issue with my way of speaking!Fair enough.I have an issue too with the way Bulgaria wants to solve biletaral issues by using the enlargement process as e vehicle of kidnapping two NATO countries! Easy friends:Lift the VETO or bear with me!
— Edi Rama (@ediramaal) June 24, 2022
