Osmani përkujton Ukshin Hotin: Liria do të ketë kuptim kur të zbardhet fati i tij
Aktuale
May 16, 2022 - 09:23
Janë bërë 23 vjet nga zhdukja e intelektualit Ukshin Hoti. E atë e ka përkujtuar edhe presidentja e Kosovës, Vjosa Osmani, e cila ka thënë se liria do të ketë kuptim kur fati i tij dhe i të zhdukurve të tjerë të zbardhet.
“Janë 23 vjet pritje e ankth për njeriun që mendimin politik e sinkronizoi me aktivizmin politik për lirinë, republikën dhe demokracinë. Republika, liria dhe demokracia u bënë, porse fati i mendimtarit mbetet peng ende. Ai i qëndroi besnik idesë së Republikës, e liria do të ketë kuptim vetëm kur fati i tij dhe i të zhdukurve të tjerë me dhunë të zbardhet krahas me vendosjen e drejtësisë”, tha Osmani.
Ukshin Hoti ishte liruar nga Burgu i Dubravës më 16 maj 1999 dhe që nga ajo ditë asgjë nuk dihet për fatin e tij. /Zëri
