KFOR-i tregon “dhëmbët”, kryen stërvitje me automjetet luftarake AFV [video]

KFOR-i ka publikuar një video nga ushtrimet e fundit, ku shihen në terren edhe mjetet e blinduara luftarake të njohura si AFV.

Gjatë këtij ushtrimi, KFOR-i thotë se ka kryer gjuajtje statike dhe lëvizëse me këto mjete ushtarake, transmeton Zeri.info.

“Komanda Rajonale e KFOR-it – kompania ‘Alfa-Perëndimore e Austrisë, kreu stërvitje të gjuajtjes me armë të zjarrit me mjete të blinduara luftarake (AFV). Gjatë ushtrimit ata kryen qitje statike dhe lëvizëse. Aftësia për të manovruar në mënyrë efektive, është një aftësi thelbësore që u mundëson njësive të KFOR-it të sigurojnë një mjedis të sigurt”, shkruan KFOR-i në postimin e fundit ku ka publikuar edhe videon. /Zëri