Arben Vishaj emërohet u.d. i drejtorit të Klinikës Infektive në QKUK
Aktuale
June 18, 2021 - 09:17
Infektologu Arben Vishaj është emëruar ushtrues detyre i drejtorit të Klinikës Infektive në QKUK.
Lajmin e ka konfirmuar vetë Vishaj në një deklaratë për gazetën Shneta. Ai ka thënë se e ka pranuar këtë pozitë gjatë ditës së enjte.
“Po, e kam pranuar emërimin sot. Është kohë e vështirë, por do të mundohem të bëj më të mirën”, ka thënë Vishaj.
Emërimi i tij vjen pas dorëheqjes së Izet Sadikut, i cili mbajti këtë pozitë për rreth tre muaj. Sadiku po ashtu ishte emëruar u.d. pas dorëheqjes së Lindita Ajazi-Berishës.
