LDK: Programi i qeverisë “Kurti” për politikë të jashtme dhe diasporës është i natyrës dëshirore

Nënkryetarja e Lidhjes Demokratike të Kosovës, Shqipe Mjekiqi, ka mbajtur sot një konferencë për media ku ka kritikuar programin e Qeverisë Kurti.

Sipas saj ky program është i natyrës dëshirore.

“Përfaqësimi dhe mbrojtja e intersave të Kosovës dhe qytetarëve duhet të jetë prioritet i secilës qeveri, por mënyra sesi është paraqitë program për politikë të jashtme dhe diasporës është i natyrës dëshirore, pa fokus dhe pa masa konkrete që do të çonin në subjektivitetin e Republikës së Kosovës”, ka theksuar Mjekiqi.

Ajo tha se prgrami i Qeverisë Kurti nuk ka strategji për anëtarësimin e Kosovës në organizata ndërkombëtare.

“Qeveria nuk ka plan për njohje të reja, mosnjohja nga pesë vendet anëtare të BE-së dhe mosnjohja nga vendet e tjera do të pengojë konsolidimin e Kosovës në sitemin ndërkombëtar”, tha Mjekiqi.

Ajo po ashtu ka adresuar kritika edhe për çështjen e dialogut me Serbinë.