Gashi kujton bashkëpartiakun e tij Fadil Ferati në 11-vjetorin e vdekjes
Në 11 vjetorin e vdekjes së nënkryetarit të LDK-së dhe kryetarit të Komunës së Istogut, Fadil Ferati, bashkëpunëtori i tij dhe bashkëpartiaku, Alush Gashi e ka kujtuar atë, raporton Zeri.info.
Më këtë rast, Gashi ka publikuar një fotografi në "Facebook", në të cilën shihet së bashku me Feratin dhe Ukë Rugovën, djalin e ish-presidentit, Ibrahim Rugova.
Gashi tha se kujtimet me Feratin janë kujtime të hareshme.
"11 vite pa Fadil Feratin. Kujtimet me Fadilin jane kujtime te hareshme. Ne foto se bashku me Fadilin dhe Uke Rugove", ka shkruar Gashi në "Facebook".
Në vitin 2010, Ferati ka vdekur në orët e hershme të mëngjesit, në një spital në Gjermani, në moshën 50-vjeçare, pas një sëmundje të rëndë.
Në Kuvendin e tretë të LDK-së, të mbajtur në shtator të vitit 1997, Ferati është zgjedhur Kryetar i Kryesisë së LDK-së në Komunën e Istogut.
Ndërsa, në zgjedhjet e vitit 2007 është zgjedhur Kryetar i Komunës së Istogut të cilin funksion e ushtroi deri më 2010. /Zëri
