Deformimi i shqipes në rrjetet sociale, kërkohet provimi për gjuhën shqipe edhe në fakultet
“Gjuha shqipe është identiteti ynë kombëtar, por gjithashtu është edhe një tregues shumë i mirë i nivelit tonë të formimit”.
Rrjetet sociale si “Facebook”-u, “Whatsapp”-i etj. kanë nxjerrë në pah mangësitë e shqiptarëve që kanë në përdorimin e gjuhës shqipe.
Këto rrjete sociale kanë deformuar dhe kanë lënë pas zhvillimin e gjuhës shqipe. Përdorimi i dialektit ka bërë që shumë shqiptarë të mos dallojnë shkronjën dh me ll dhe ç me q.
“Këta tinguj jo vetëm që shkëmbehen me njëri-tjetrin gjatë të folurit, por shpeshherë i kemi hasur dhe gjatë të shkruarit. Dashje pa dashje dialekti lë gjurmë tek e folura jonë, por si mund të jemi ne të kujdesshëm? Në radhë të parë, kjo punë fillon që te mësuesi i fillores. Mësuesi duhet të bëjë një punë të jashtëzakonshme për ngulitjen e normës drejtshkrimore”.
Por si mund të shpëtohet gjuha shqipe?
Sipas gjuhëtares Elona Gjata, të gjithë mësuesit, pavarësisht lëndës që japin, duhet t’i nënshtrohen testit të gjuhës shqipe.
“Pa përjashtim shqipja duhet të jetë e pranishme në çdo fakultet. Me patjetër provimi i gjuhës shqipe duhet t’u bashkëngjitet provimeve të kualifikimeve ose dhe provimeve të pranimit në këto portale pune”.
Për të përshkruar një gjendje të caktuar emocionale sot të rinjtë e shprehin vetëm me një simbol, që mesa duket flet sa për një fjalë.
Nga ana tjetër, shumë fjalë të gjuhës shqipe të shkruara janë shkurtuar. Për shembull, në vend që të shkruajmë për, vendosim vetëm një x. Studiuesja Elona Gjata këta shqipfolës i vlerëson me notën 4.
“Mendoj se jo, nuk janë kalues”. /topchannel
