Tërmkolli, VV-së e PDK-së: Është ngritur e majta ekstreme për ta ’kapur’ fenë për bishti për përfitime votash
Zyrtarja e Lidhjes Demokratike të Kosovës, Melihate Termkolli, në lidhje me hapjen e objekteve fetare vendim të cilin e ka marrë Ministria e Shëndetësisë në Kosovë, thotë se po bëhet për përfitim votash nga qeveria në detyrë.
Ajo përmes një shkrimi të bërë publik në “Facebook”, ka kritikuar qeverinë në detyrë, e po ashtu edhe kreun e PDK-së, Kadri Veseli, se veprimet e fundit që po i bëjnë gjatë kohës së përballjes me pandeminë, janë duke i bërë për përfitime të veta, përcjell “Zëri.info.
"Është ngritur e majta ekstreme me dy këmbët lart si kuajt e harlisur për ta 'kapur' fenë për bishti. Qeveria e Kurtit dje përmes ministrit 'të mirë' të shëndetësisë, të cilit i mungonte vetëm çallma, në krejt pandeminë doli se më të madhin hall në këtë shtet e kanë hapjen e xhamive. Në anën tjetër, Kadri Veseli i PDK-së doli se e ka hallin edhe të kthimit të 'rrënjëve' shqiptare të myslimanizmit në gjenezë, në Dardaninë 'arabistane'”, shkruan ajo ndë të tjera.
Shkrimi i plotë i Tërmkollit:
Turkoshakë e anadollakë që na qeverisin!
Është ngritur e majta ekstreme me dy këmbët lart si kuajt e harlisur për ta “kapur” fenë për bishti. Qeveria e Kurtit dje përmes ministrit “të mirë” të shëndetësisë, të cilit i mungonte vetëm çallma, në krejt pandeminë doli se më të madhin hall në këtë shtet e kanë hapjen e xhamive.
Në anën tjetër, Kadri Veseli i PDK-së doli se e ka hallin edhe të kthimit të “rrënjëve“ shqiptare të myslimanizmit në gjenezë, në Dardaninë “arabistane”!. ë’farë shkolla, ç’farë çerdhe, ç’farë institucione, ç’farë ekonomie a biznese, ç‘farë kulture kombëtare, evropiane perëndimore?!
Në fakt, nuk kanë këta hallin as të shtetit, as të kulturës, as të fesë, kanë veç hallin e votës! Nuk e kanë as më të voglin problem nëse e marin atë votë me gjakun e shqiptarëve në emër të kauzave të rrejshme, a e marrin nga grupe ekstreme fetare e politike apo tjera, apo me financime nga Arabia, Rusia, Serbia a Turqia. Vetëm ta marrin votën e qytetarëve të lodhur e të varfëruar deri në mjerim duke iu ofruar xhaminë si të vetmen derë që mund ta hapin.
Këta qeveritarë e politikanë, me mendësi turkoshake e anadollake, këta na qeverisin! Këta që çirren deri në kupë të qiellit për shqiptarizëm, për bashkim e flamur kombëtar, për amerikanizëm e evropianizëm, për shtet e interes kombëtar!
Këta që e godasin edhe shtetin edhe kombin deri në palcë!. Këta që në mungesë të vlerave të tyre, e përlyejnë tërë kombin e shtetin duke e gjetë
strehën e vetme nëpër xhami, për një votë!. Votë e merituar, apo jo?!
