Behgjet Pacolli udhëton për në Zvicër

I pari i AKR-së, Behghet Pacolli përmes një postimi në Facebook, ka treguar se sot ka udhëtuar për në Zvicër për t’iu bashkuar familjes së tij.

Pacolli ka thënë se, arsyeja e cila po udhëton për në shtetin zviceran është që fëmijët e tij nuk po mund t’i bashkëngjiten atij, shkaku i masave të kufizimit, transmeton Zëri.info.

Ai gjithashtu ka uruar që sa më shpejtë ta kalojmë këtë pandemi dhe t'i kthehemi normalitetit.

"Sot kam udhëtuar për në Zvicër për t'u bashkuar me familjen time pasi në kufizimet aktuale në Kosovë, fëmijët e mi nuk mund të më bashkohen në shtëpinë time në Prishtinë. Shpresoj së shpejti ta kalojmë këtë pandemi dhe jeta jonë të kthehet në normalitet", ka shkruar ai.