Ky është kandidati i LDK-së për kryetar të Podujevës
Aktuale
February 15, 2020 - 12:44
Lajmi i Fundit
Dega e Lidhjes Demokratike të Kosovës në Podujevë ka mbledhur sot kryesinë, me ç’rast Nexhmi Rudari është zgjedhur kandidat i kësaj partie për kryetar të Komunës.
Mësohet se në këtë takim është parë duke hyrë edhe ish-kryetari i kësaj komune, Agim Veliu, i cili dha dorëheqje për shkak se mori pozitën e ministrit të Punëve të Brendshme.
Mbledhja ka filluar rreth orës 11:00 dhe ka zgjatur një orë. Pak para se të fillojë mbledhja, Rudari ka bërë të ditur për Klan Kosovën se në takimin e sotëm do të shqyrtohen propozimet e mundshme që kanë ardhur edhe prej nëndegëve të terrenit.
