LDK sot zgjedh kandidatin për kryetar të Podujevës
Aktuale
February 15, 2020 - 08:58
Lidhja Demokratike e Kosovës sot pritet të vendosë se kush do të jetë kandidati për kryetar të Komunës së Podujevës.
Kështu ka bërë të ditur për Klan Kosovën, anëtari i degës së LDK-së në Podujevë, Nexhmi Rudari, duke shtuar se mbledhja është caktuar të mbahet në ora 11:00.
“Sot do të mblidhet Kryesia e LDK-së dhe aty do të vendoset për kandidatin për kryetar të Komunës së Podujevës”.
“Kjo mbledhje do të mbahet në Podujevë, (kryesia e degës në Podujeve). Mbledhja është caktuar për ora 11:00”.
“Do të shqyrtohen propozimet e mundshme që kanë ardhur edhe prej nëndegëve të terrenit dhe aty do të vendoset”.
“Deri më sot nuk kemi biseduar për kandidat, më shumë kemi biseduar për organizim dhe mobilizim”.
