Takohen Vuçiq dhe Grenell në Munih,Kosova temë e bisedimit
Aktuale
February 13, 2020 - 18:44
Takimi Vuçiq-Grenell ka ndodhur në Bavari, ku dy zyrtarët kanë shkuar për të marrë pjesë në Konferencën e Munihut për Siguri
Presidenti serb, Aleksandar Vuçiq, është takuar me të dërguarin e posaçëm të Shteteve të Bashkuara të Amerikës për dialogun Kosovë-Serbi, Richard Grenell, në pasditen e së enjtes.
Takimi Vuçiq-Grenell ka ndodhur në Bavari, ku dy zyrtarët kanë shkuar për të marrë pjesë në Konferencën e Munihut për Siguri.
Para takimit, presidenti i Serbisë u ka thënë gazetarëve se priste një bisedë të mirë me diplomatin e lartë amerikan, bëjnë të ditur mediat beogradase.
Sipas tyre, Vuçiq po ashtu ka thënë se priste që diskutimi të zhvillohej kryesisht për Kosovën, përkatësisht për vazhdimin e dialogut mes palës kosovare dhe asaj serbe.
