Nexhmije Pagarusha la amanet edhe këngën që do t’i lëshohej gjatë varrimit
Aktuale
February 07, 2020 - 20:57
Ikona e muzikës shqipe, Nexhmije Pagarusha, ndërroi jetë të premten (7 shkurt) në moshën 86 vjeçare pas një sëmundjeje të shkurtër.
‘Bilbili i muzikës shqipe’ ka lënë pas vetes një trashëgimi të madhe muzikore, prandaj humbja e saj lë një zbrazëtirë të madhe në artin muzikor shqiptar.
Në ndërkohë, Korab Shaqiri e ka bërë publik një dokument që tregon një tjetër dëshirë të këngëtares së mirënjohur, e cila e ka kërkuar që gjatë varrimit t’i lëshohet “Lugina e Dashurisë” nga Ilir Shaqiri.
Varrimi i të ndjerës do të bëhet në Pagarushë të Malishevës me rrethin e ngushtë familjar sipas amanetit të saj.
E pas varrimit, e pamja do të vazhdojë edhe për dy ditë të tjera deri më datë 11.02.2020 në Teatrin Kombëtar në Prishtinë, nga 8:00 deri në 17:00.
