Infektuar: 10988
Shëruar: 6616
Vdekur: 373
Isa Mustafa mbledh Kryesinë e LDK-së, mësohet se për çfarë do të diskutojnë

Isa Mustafa mbledh Kryesinë e LDK-së, mësohet se për çfarë do të diskutojnë

Aktuale December 13, 2019 - 20:55
Detajet

Lidhja Demokratike e Kosovës gjatë ditës së nesërme do të mbajë mbledhjen e Kryesisë.

Partia ka njoftuar zyrtarisht se anëtarët e Kryesisë së saj do të tubohen të shtunën në selinë e LDK’së, në orën 11:00.

Nënkryetari i LDK’së, Agim Veliu, ka thënë se në mbledhjen e nesërme do të diskutohen zhvillimet e fundit për arritjen e koalicionit me Lëvizjen Vetëvendosje.

“Tema kryesore do të jetë ndërtimi i koalicionit të mundshëm”, ka thënë shkurtimisht Veliu për Insajderin.

Veliu ka shtuar se takimet me Lëvizjen Vetëvendosje do të shtohen.

Takimi i sotëm që zgjati rreth 2 orë mes kryetarit të VV’së, Albin Kurtit dhe atij të LDK’së, Isa Mustafa, nuk solli ndonjë rezultat konkret.

Të dyja palët janë dakorduar të takohen më shpesh deri në arritjen e një marrëveshjeje për koalicion qeverisës.