Njihuni me agjentin rus në Veri: Refuzoi urdhrin e UNMIK’ut dhe kishte me vete këtë njeri
Mikhail Krasnoshchenkov, agjenti rus i kamufluar si diplomat duke punuar për UNMIK’un në Mitrovicën e Veriut, ka pasur urdhër që gjatë ditës së marte të punonte në shtëpi dhe mos të dilte në zyrën e tij të punës, transmeton Gazeta Metro.
Metro mëson se UNMIK kishte qenë i informuar se gjatë ditës së marte një aksion do të zhvillohej nga Njësia Speciale në Veri, ata kishin informuar punëtorët e tyre në atë pjesë që të mos të dalin në punë, por aktivitetin e tyre ta bëjnë nga shtëpitë e tyre.
Në emailin njoftues të UNMIK”ut që Metro e ka siguruar, aty thuhej që punëtoret të shmangin lëvizjet dhe të punojnë nga shtëpia.
“Për shkak të një operacioni policor që pritet të zhvillohet në veri, deri në njoftimin e radhës, stafi këshillohet që t’i shmanget lëvizjes nga SA-1 (zyre) në SA-2 (shtëpi). Ndërsa stafi në SA-2 duhet të punojnë prej shtëpisë”, thuhet në njoftimin e UNMIK’ut dërguar punëtorëve në atë pjesë
Pavarësisht këtij mesazhi, shtetasi rus Mikhail Krasnoshchenkov me nofkën ‘Mihal’, nuk e kishte respektuar atë, ai kishte marrë pjesë me serbët e tjerë në vendosjen e barrikadave.
Veturën e tij diplomatike të UNMIK’ut e vendosi si barrikadë, për të pamundësuar kalimin Njësisë Speciale në Veri, jo vetëm këtë veprim e bëri Mihali, ai doli dhe o konfrontuar me policët në mënyrë fizike ku edhe pastaj pasoi arrestimi i tij nga këta të fundit.
Çfarë mbante me vete Mihali?
Metro mëson se rusi Mihal me vete posedonte edhe 2 telefona që i përdorte derisa punonte në Veri, por të dy i ka zhdukur para arrestimit të Njësisë Speciale.
Njërin nga telefonat e ka thyer duke e goditur në tokë, kurse tjetrin telefon e ka gjuajtur duke e zhdukur dhe mos lejuar që t’i kapet nga Njësia Speciale e Kosovës.
Kush ishte personi që e shoqëronte gjatë gjithë kohës Mihalin?
Mikhail Krasnoshchenkov, nuk ecte i vetëm në Veri të vendit, ai gjithmonë shoqërohej dhe kishte me vete një person, i cili quhet Dejan Dimovic.
Dimovic e shoqëronte gjatë gjithë kohës Mihalin në Veri, ai mbante pozitën si asistent i rusit. Dimovic punon në zyrën e UNMIK’ut në veri së bashku me një person tjetër, emri i të cilit është i njohur për redaksinë.
Serbi Dimovic posedon nënshtetësi serb dhe jo kosovare, ani pse ky i fundit vjen nga Kosova.
Si u largua Mihal nga Kosova me një arsyetim qesharak?
Mihali i cili u arrestua dy ditë më parë nga Policia në Mitrovicën e Veriut është dërguar për tretman mjekësor në Beograd.
Arsyeja e dërgimit të tij në Beograd është largimi dhe ikja nga Kosova, pasi Prokuroria e Shtetit ka kërkuar që t’i hiqet imuniteti nga UNMIK’u.
Metro ka mësuar se Mihael Krasneoschenko ishte kamufluar si diplomat në Veri dhe deklaronte se punonte si punëtor i administratës së UNMIK’ut në atë pjesë të vendit.
