Ilir Mirena: Nuk besoj që vendi mund të shkojë në zgjedhje të parakohshme

Analisti politik, Ilir Mirena, ka thënë që nuk beson që vendi mund të shkojë në zgjedhje të parakohshme sidomos pa zgjidhjen e problemit mes Kosovës dhe Serbisë, njofton Klan Kosova.

Mirena në Zona B në Klan Kosova ka thënë që opozita përkundër fuqisë që ka nuk e kanë shfrytëzuar për të qëndruar të bashkuar.

“E shoh të ndërlidhur në raportet me dialogun Kosovë – Serbi sidomos pas samitit në Paris se besoj që do të flitet për zgjedhje të parakohshme”.

“Partitë opozitare mund të bëjnë një opozitë të mirëfilltë pasi pushteti aktual është i mbushur me skandale dhe keqpërdorime por ne e kemi një opozitë potente e cila por për shkak të problemeve të veta nuk kanë mundur të bëjnë kurrfarë opozitarizmi por e kanë lidhur me protesta të dështuara si ajo e Vetëvendosjes kundër kryeprokurorit Lumezi e cila ishte indikator që diçka me opozitën nuk po shkon”.

“Duke marrë parasysh këto unë nuk shoh mundësi që vendi mund të shkojë në zgjedhje të parakohshme veç këtë e vendos Kadri Veseli – PDK-ja dhe aty loja mund të ndryshojë tërësisht”.