Ministri Lekaj: Lufta në Koshare u dha hov përpjekjeve për çlirimin e vendit
Aktuale
April 09, 2019 - 17:46
DETAJET
Ministri i Infrastrukturës, Pal Lekaj, ka qëndruar sot në Koshare, aty ku saktësisht 20 vjet më parë u zhvillua betejë e ashpër e UÇK-së kundër forcave serbe.
“Kujtojmë 20 vjetorin e Betejës së Koshares, ku lufta e lavdishme e UÇK-së theu kufirin shqiptaro-shqiptar duke i dhënë hov përpjekjeve dhe lëvizjes historike për çlirimin e vendit nga okupatori serb”, ka shkruar Lekaj në Facebook.
“Në këtë ditë përkujtojmë dhe nderojmë ata që sakrifikuan për lirinë dhe pavarësinë e Kosovës”.
“Kosharja në këtë përvjetor, është më krenare se çdo herë, pasi shteti për të cilin u luftua u bë me ushtrinë e saj”.
“Lavdi”.
