Sot nis peticioni për bashkimin e Mitrovicës

Pavarësisht se Ministria e Administrimit të Pushtetit Lokal (MAPL), i ka kthyer përgjigje negative, Agim Bahtiri po vazhdon me idenë e tij për bashkimin e Mitrovicës.

Kreu i pjesës jugore të Mitrovicës, Agim Bahtiri po vazhdon me idenë e tij për bashkimin e Mitrovicës, pavarësisht se Ministria e Administrimit të Pushtetit Lokal i ka kthyer përgjigje negative

Përmes një postimi në profilin e tij zyrtar në rrjetin social Facebook, Bahtiri ka publikuar formularin e peticionit për bashkimin e Mitrovicës.

“Nga nesër në Mitrovicë do të nis nënshkrimi i PETICIONIT për inicimin e procedurës për Ndryshim – Plotësimin e Ligjit Nr. 03/L-041 për Kufijtë Administrativ të Komunave, me qëllim të bashkimit të komunës së Mitrovicës Veriore me komunën e Mitrovicës Jugore”, ka shkruar Bahtiri.