Fillon takimi Thaçi-Vuçiq

Fillon takimi Thaçi-Vuçiq

Aktuale nëntor 08, 2018 - 19:21
Lexo Detajet

Pas përfundimit të takimeve të ndara në Bruksel, sapo ka filluar takimi në mes të presidentit të Kosovës Hashim Thaçi dhe homologut të tij serb, Aleksandar Vuçiq.

Para pak çastesh ka filluar takimi në mes të presidentit të Kosovës Hashim Thaçi dhe atij të Serbisë, Aleksandar Vuçiq në Bruksel.

Ky takim i cili ndërmjetësohet nga Përfaqësuesja e Lartë e Bashkimit Evropian, Federica Mogherini është i treti i ditës së sotme në kuadër të dialogut të nivelit të lartë Kosovë-Serbi.

Kujtojmë se ky dialog ka të bëj me arritjen e marrëveshjes ligjërisht të obligueshme për të dyja shtetet.

Ndërkaq, presidenti Hashim Thaçi, pas takimit me Përfaqësuesen për Politikë të Jashtme të BE-së, Federica Mogherini, ka thënë se në këtë takim u bisedua për përshpejtimin e çështjes së arritjes së marrëveshjes mes Kosovës e Serbisë

“Me Mogherinin u pajtuam për dinamizimin e dialogut dhe arritjen e një marrëveshjeje ligjërisht të obligueshme ndërmjet Kosovës dhe Serbisë”, ka shkruar Thaçi në profilin e tij zyrtar në rrjetin social Facebook.