Për Xhavit Halitin s'është e jashtëzakonshme gjendja aktuale e ajrit

Nënkryetari i Kuvendit të Kosovës, Xhavit Haliti, ka justifikuar cilësinë e dobët të ajrit në Prishtinë. Sipas tij, asgjë nuk është jashtëzakonshme dhe nuk është situatë për t'u shqetësuar

Ai ka thënë se njësoj situata ka qenë edhe gjatë viteve të 70 apo 80.

“Po diskutohet thua t’i që askush nuk ka jetuar në Prishtinë e nuk e dimë situatën. Historikisht kush ka jetuar dhe kush ka studiuar në Prishtinë e di se kur ka mjegull dhe kur është ftoftë ka qenë gjithmonë e njëjta situatë, nuk është diçka ma keq se sa në vitet e 70 apo 80”, ka thënë Haliti në seancën e Kuvendit pas fjalimit të deputetit.

Prishtina gjatë javës së fundit ka qenë njëri ndër vendet me cilësinë më të dobët të ajrit në gjithë botën. 

Komuna e Prishtinës dhe Ministria e Mjedisit dhe Planifikimit Hapësinor, lidhur me gjendjen alarmante kanë marrë një sërë vendimesh për të përmirësuar cilësinë e ajrit.