Mblidhet ‘Vetëvendosje’, ja kush po mungon
Lëvizja Vetëvendosje ka thirrur në mbledhje të gjithë deputetët e saj dhe anëtarët e Kryesisë, raporton “Zeri.info”.
Ndonëse kohëve të fundit në “Vetëvendosje” ka pasur mjaft dorëheqje, si duket mbledhja e sotme i ka bashkuar të gjithë.
Në mbledhjen e thirrur mes Grupit Parlamentar të Vetëvendosjes me Kryesinë e Partisë, mbledhje kjo e cila po bëhet si tentativë për t'i tejkaluar mosmarrëveshjes mes zyrtarëve të kësaj partie.
Deri më tani janë parë të hyjnë në këtë mbledhje anëtarë të Vetëvendosjes si : Ismail Kurteshi, Besa Baftiu, Adem Mikullovci, Donika Kadaj-Bujupi, Visar Ymeri, Dardan Molliqaj, Rexhep Selimi, Albin Kurti, Shpend Ahmeti, Dardan Sejdiu e Fisnik Ismaili, raporton “Zeri.info”.
Por, nga të dorëhequrit vetëm Aida Dërguti dhe Faton Topalli nuk janë parë në këtë mbledhje.
Kujtojmë që ky fillimvit është shënuar me dorëheqjen e shumë figurave të rëndësishme të Vetëvendosjes e ndër ta edhe Visar Ymeri, Dardan Sejdiu, Shqipe Pantina, Driton Çaushi, Qëndron Kastrati etj. /ZËRI/