Thaçi i jep mbështetje auditorit të përgjithshëm, Besnik Osmani
Aktuale
October 20, 2017 - 18:25
Presidenti i Kosovës, Hashim Thaçi ka pritur sot auditorin e Përgjithshëm të Kosovës, Besnik Osmani, të cilit i ka dhënë mbështetje për punën dhe aktivitetet e auditorit të përgjithshëm.
Thaçi ka thënë se auditori i përgjithshëm me punën e tij është duke forcuar llogaridhënien duke rritur besimin në institucionet publike.
“Ju përgëzoj për përkushtimin, profesionalizimin dhe pavarësinë e institucionit tuaj”, tha ai.
Ndërsa, Besnik Osmani ka thënë se Zyra Kombëtare e Auditimit do të vazhdojë të bëjë auditimin e detyrueshëm të rregullsisë për Buxhetin e Qeverisë së Kosovës si dhe auditime tjera.
Presidenti Thaçi ka thënë se Kosova duhet të vazhdojë përpjekjet maksimale për transparencë.