Loja me numra: Shumë 'opsione' për formimin e Qeverisë (Video)

Loja me numra: Shumë 'opsione' për formimin e Qeverisë (Video)

Aktuale korrik 14, 2017 - 19:22

Ndonëse presidenti i vendit Hashim Thaçi ende nuk e ka caktuar datën e seancës konstituive të Kuvendit, në koalicion PDK-AAK-NISMA (PAN) vazhdojnë të deklarojnë se kandidati për kryeministër, Ramush Haradinaj, i ka numrat e nevojshëm për krijimin e qeverisë së re, kurdo që caktohet seanca.

Në anën tjetër, Vetëvendosje dhe koalicioni LDK-AKR-Alternativa, janë të bindur se Haradinaj do të dështojë në formimin e qeverisë.

Sipas tyre, Qeveria e ardhshme do të formohet nga Vetëvendosje dhe koalicioni LDK-AKR-Alternativa.

PAN-i shprehet se i ka 62 votat e nevojshme për qeverinë e re. Kreu i LDK-së, Isa Mustafa thotë se mund të bisedojmë me Haradinajn, por pa PDK-në.

Ndërkaq, sot kreu i AKR-së, Behgjet Pacolli, u shpreh për një Qeveri gjithëpërfshirëse me afat njëvjeçar. /RTV21/